Fáilte chuig Eagrán 39 de info@ncca, an chéad cheann in 2022, agus fáilte mhór roimh shíntiúsóirí nua go háirithe.

Cuireadh tús le go leor gníomhaíochtaí scoile arís ar an 28 Feabhra tar éis dhá bhliain den phaindéim. Lá ina dhiaidh sin, baineadh amach garsprioc mhór de chuid athfhorbairt CNCM ar an gcuraclam bunscoile agus reáchtáladh imeacht chun comóradh a dhéanamh ar dheireadh an chomhairliúcháin ar Dhréachtchreat Curaclaim na Bunscoile. Chomh maith leis sin, gheobhaidh tú sonraí maidir leis an mbealach ar féidir leat do chuid smaointe a roinnt maidir le Aistear: Creatchuraclam na Luath-Óige agus faisnéis maidir leis an gcomhairliúchán ar Dhréachtchuraclam Matamaitice na Bunscoile a thosóidh go luath agus lena n‑áireofar dlúthpháirtíocht le líonra scoileanna. Tá nuashonruithe againn freisin maidir le hacmhainní chun tacú le teagasc agus foghlaim. Áirítear leo sin: treoir chun tacú le cur i gcrích an Tionscadail Shamhaltaithe mar chuid de Churaclam na Matamaitice Feidhmí a tugadh isteach i mí Mheán Fómhair seo caite agus acmhainní nua OSPS chomh maith leis an t-eolas is deireanaí ar an tuarascáil ar an gcomhairliúchán is déanaí a thacaíonn le hobair ar OSPS na Sraithe Sóisearaí. Tá go leor anseo le hiniúchadh agus tá súil againn go mbeidh sé cabhrach le do chuid oibre. 

Go raibh sos deas suaimhneach ag síntiúsóirí info@ncca le linn an deireadh seachtaine saoire bainc agus beimid i dteagmháil arís i dtéarma an tsamhraidh.